తెలంగాణాలో రేపటి నుండి TS SSC 10 వ తరగతి పరీక్షలు ప్రారంభం

తెలంగాణ స్టేట్ సెకండరీ స్కూల్ సర్టిఫికేట్ (SSC board) పరీక్షలు రేపు అంటే మార్చి 19, 2020 నుండి ప్రారంభమై 2020 ఏప్రిల్ 6 వరకు కొనసాగుతాయి. 

ప్రభుత్వ పరీక్షల డైరెక్టరేట్ విడుదల చేసిన టైమ్‌టేబుల్ ప్రకారం, మార్చి 19 నుండి ఎస్‌ఎస్‌సి, ఒఎస్‌ఎస్‌సి, ఎస్‌ఎస్‌సి ఒకేషనల్ కోర్సు ల SSC పబ్లిక్ పరీక్షలు ప్రారంభమవుతాయి. TS SSC 10th class పరీక్ష సమయం ఉదయం 9.30 నుంచి మధ్యాహ్నం 12.15 / 12.45 మధ్య ఉంటుంది.



SSC మరియు OSSC కోర్సు అభ్యర్థులకు అన్ని అకాడెమిక్ కోర్సు సబ్జెక్టులు / పేపర్లు ఒకే విధంగా ఉంటాయి .

కరోనావైరస్ వ్యాప్తి చెందకుండా జాగ్రత్త చర్యగా తెలంగాణ ముఖ్యమంత్రి కె. చంద్రశేఖర్ రావు మాట్లాడుతూ రాష్ట్రంలోని అన్ని విద్యాసంస్థలు మార్చి 31 వరకు మూసివేయబడతాయి అని తెలిపారు. కానీ 10 వ తరగతి పరీక్షలు మాత్రం షెడ్యూల్ ప్రకారం జరుగుతాయి. 

విద్యార్థులు పేస్ మాస్కులు ధరించవచ్చు మరియు వారి నీటి బాటిళ్లను కూడా పరీక్షా హాలులోకి తీసుకెళ్లవచ్చు. అంతేకాకుండా, వారు తమ చేతులను శుభ్రపరిచేలా చూసుకోవడానికి, లిక్విడ్ సబ్బు లేదా హ్యాండ్ శానిటైజర్ అందుబాటులో ఉంచబడుతుంది" అని అధికారులు తెలిపారు. మొత్తం 5,34,903 విద్యార్థులు ఎస్‌ఎస్‌సి పరీక్షలకు హాజరుకానున్నారు. పరీక్షలను సజావుగా నిర్వహించడానికి అవసరమైన అన్ని ఏర్పాట్లు ఉన్నాయని, వారు భయపడవద్దని విద్యార్థులకు హామీ ఇచ్చారు.