ఇంటర్నెట్ ఆన్లైన్ బ్యాంకింగ్ ను వాడండి అని కోరిన hdfc, icici బ్యాంకులు

హెచ్‌డిఎఫ్‌సి బ్యాంక్ తన పని గంటలను మార్చింది, శనివారం మినహా మార్చి 31 వరకు ఉదయం 10 నుండి మధ్యాహ్నం 2 గంటల వరకు పనిచేస్తుంది అని తెలిపింది. పాస్బుక్ అప్డేట్ మరియు విదేశీ కరెన్సీ కొనుగోలు సేవలను తాత్కాలికంగా నిలిపివేసింది.


ప్రైవేటు రంగ బ్యాంకులు హెచ్‌డిఎఫ్‌సి, ఐసిఐసిఐ కస్టమర్లను లావాదేవీల కోసం ఆన్లైన్ బ్యాంకింగ్ సేవలను ఉపయోగించమని కోరాయి మరియు కరోనావైరస్ వ్యాప్తి చెందకుండ ముందు జాగ్రత్త చర్యగా కార్యాలయంలో తమ సిబ్బందిని తగ్గించామని చెప్పాయి. 

"అవసరమైన శాఖలు తక్కువ సిబ్బందితో తెరిచి ఉంటాయి" అని ఐసిఐసిఐ బ్యాంక్ తన వినియోగదారులకు ఎస్ఎంఎస్ ద్వారా తెలియజేసింది. "అదే విధంగా, మా కస్టమర్ కేర్ సెంటర్ కొద్దిమంది సిబ్బందితో పనిచేస్తుంది. ఇంటిలో సురక్షితంగా ఉంటు అన్ని అవసరమైన బ్యాంకింగ్ సేవలకు ఐమొబైల్ / ఇంటర్నెట్ బ్యాంకింగ్ ఉపయోగించాలని  మేము మిమ్మల్ని కోరుతున్నాము" అని ప్రకటనలో తెలిపింది.