మార్చ్ 31 వరకు తెలంగాణ స్టేట్ లొక్డౌన్ ప్రకటించిన సీఎం కెసిఆర్

మరో ఐదు పాజిటివ్ కోవిడ్ -19 కేసులు ఆదివారం నమోదు అవ్వడంతో, కరోనా ని కట్టడి చెయ్యడం కోసం తెలంగాణ ప్రభుత్వం మార్చి31 వరకు రాష్ట్రాన్నిలాక్డౌన్ చేస్తున్నట్లు ప్రకటించింది. అన్ని ప్రభుత్వ మరియు ప్రైవేట్ రవాణా సేవలు నిలిచిపోతాయి. కిరాణా మరియు ఇతర ముఖ్యమైన వస్తువులను కొనడానికి కుటుంబానికి ఒకరు మాత్రమే బయటకు వెళ్ళడానికి అనుమతించబడతారు. రాష్ట్ర సరిహద్దులన్నీవెంటనే మూసివేస్తామని చెప్పారు. అన్నిప్రైవేట్ వాహనాలను సరిహద్దుల వద్ద ఆపివేస్తారు. వస్తువుల రవాణా వాహనాలు అయితే అనుమతించబడతాయి.


రాష్ట్రమంతటా లాక్డౌన్ అమలు చేయడానికి రాష్ట్రం అంటువ్యాధుల వ్యాధుల చట్టం 1897 యాక్ట్ 3 ను అమలులోకి తెచ్చింది. లాక్ డౌన్ సమయంలో కాంట్రాక్ట్ మరియు ఇతర ఉద్యోగులకు పూర్తి జీతాలు చెల్లించాలని అన్ని ప్రభుత్వ మరియు ప్రైవేట్ సంస్థలను ఆదేశించింది. ప్రజలు ఇంటి వద్దే ఉండాలని, బయటకు వెళ్ళవద్దని విజ్ఞప్తి చేశారు. రోడ్లపై ఐదుగురి కంటే ఎక్కువ మంది గుమికూడ వద్దని తెలంగాణ సీఎం కెసిఆర్ చెప్పారు. 

రాష్ట్రంలోని 87.59 లక్షల వైట్ కార్డ్ హోల్డర్లలో ప్రతి ఒక్కరికి 12 కిలోల బియ్యం, ఇతర కిరాణా సామాగ్రి కొనడానికి 1,500 నగదును రాష్ట్రం పంపిణీ చేస్తుంది. రూపాయలు 1,103 కోట్ల విలువైన 3.36 లక్షల టన్నుల బియ్యాన్ని, నగదు పంపిణీ కోసం  Rs 1,314 కోట్లను రాష్ట్రం విడుదల చేస్తుంది. బడ్జెట్ కేటాయింపుల నుండి మేము డబ్బును మంజూరు చేసాము, అని ముఖ్యమంత్రి కెసిఆర్ అన్నారు.

కోవిడ్ -19 ను తీవ్రమైన సంక్షోభంగా పేర్కొంటూ, మార్చి1 తర్వాత విదేశాల నుండి తిరిగి వచ్చిన వారు స్వచ్ఛందంగా ప్రభుత్వ అధికారులకు తెలపాలని విజ్ఞప్తి చేశారు. రాష్ట్రం గర్భిణీ స్త్రీలందరి గణనను ప్రారంభించిందని, వారి ఆరోగ్యం మరియు ప్రసవాల విషయంలో జాగ్రత్తగా చూసుకుంటుంది అని చెప్పారు.